Steffen Maas, e direktor i kreador di tur imágen i produktonan di ABC LORA, a biba na Aruba pa hopi tempu i awor ta biba i traha na Hulanda. Pa hopi aña el a practica ilustrashion, fotografia y diseño grafico. Steffen a diseñá numeroso buki i eksposishon, miéntras e tabata duna lès na vários akademia di arte den i pafó di Europa. E ta duna tambe tayernan di ‘visual storytelling’ na vários universidat na China.

Steffen ta e fundadó y diseñadó di ArubABC, BonABC y CurABC – un proyekto impreshonante di diseño i idioma ku ta siña mucha i adulto tokante e kultura i idioma di Aruba, Bonaire i Curaçao.   E bukinan ta wòrdu hopi apresiá pa edukadónan lokal i tambe pa otro habitantenan di e isla i turistanan bishitante. Di mes manera el a krea ChinABC tokante kultura Chines (huntu ku Zhou Li), i el a apliká e mesun konsepto na 7 region prinsipal di Merka. 

Asosiá ku e ABC Books ku ta enfoká riba lesamentu i kompartí kultura lokal, LORA ta ofresé materialnan di siñamentu visual, ku ta basá riba tema i hiper-kontekstual, pero tambe ta desplegá kalidat i rekonosementu universal.

Mi Buki di Aruba,  Mi Buki di Boneiru,  Mi Buki di Kòrsou

E bukinan ta pinta hopi aspekto bibu di e kulturanan di e Isla, dor di dibuhonan kla i kolorido di parhanan i bestianan úniko, monumentonan i sitionan, personanan, kuminda, flora i kultura musikal. Bou di kada dibuho bo por lesa e palabranan komun of nombernan lokal na  Papiamento  (Aruba) òf Papiamentu (Bonaire y Curaçao) komo tambe su tradukshionnan na Ingles i Hulandes. No ta importá si bo ta bibando den un di e islanan ABC òf si bo ta un pasahero kurioso, e bukinan ta yama bo bon biní pa konektá ku e karakter i idioma di e islanan. Tambe ora bo ta un mayor, un welo òf un maestro, Mi Buki ta yuda bo pa siña bo yunan tokante Aruba, Boneiru òf Kòrsou i disfrutá di Papiamentu.